2018/05/06【上帝的禮物】 鄭英兒 牧師
- 詳細內容
- 上層分類：日期檢索
- 點擊數：687
《上週講章》
上帝的禮物
經文：腓三:12-14 講師︰鄭英兒 牧師
2009年1月21日陳文成基金會舉辦「2009年人權之路青年體驗營」前往義光教會訪問，學員有41名青年及大專生，田秋堇立委非常清楚說明當年發生林宅血案的過程及情形，然後我接續分享義光教會的現況，特別我介紹林宅血案留存佇教會3項紀念：❶奐均、亮均、亭均愛用鋼琴。❷當時隔間的磚頭。❸發現3個屍體的地下室。我亦強調義光教會對當初沒人敢來的情形，現今成做24小時沒鎖門的社區教會，多多人佇義光教會經驗「上帝的疼」。分享結束的時，看見有幾位學員目眶紅，目屎滴，忽然間我深深體會義光教會真正是上帝賞賜互台灣人民的禮物，義光教會呣那是見證「對受苦成做榮耀」，閣卡是見證「對絕望成做希望」的基督信仰！所以義光教會是上帝的禮物，上帝特別賞賜、祝福互台灣人民寶貴的禮物！
佇台灣彰化二林的「喜樂保育院」，咱亦清楚看見上帝的禮物─瑪喜樂阿嬤，她奉獻自己生命48年關心台灣小兒麻痺的兒童、身心障礙的兒童、青少年、大人、老人及失憶症患者，直到2007年4月26日佇喜樂保育院蒙主恩召，現今她的骨灰亦放佇喜樂保育院，清楚見證她對台灣沒盡的疼惜！
今早起咱讀新約腓立比書3章12-14節，是咱大家真熟的經文，使徒保羅勉勵腓立比教會的兄姊亦勉勵全世界的基督徒，咱著怎樣一方面確定自己就是上帝的禮物，二方面閣怎樣盡力互自己的生命成做上帝祝福人的禮物！
一、沒完全的人生
腓立比書3:12保羅按呢講：「按呢，呣是講我已經得著抑是已經達到目標；我繼續直直走，向望通得著賞；其實基督耶穌已經得著我。」(現代台語譯本)保羅確信每一個人對上帝創造、賞賜的生命，咱的人生亦是一個沒完全的人生(咱實際人生的過程及境遇常常呣是咱所期待及盼望)，但是上帝已經揀選、呼召、邀請咱每一個人成做上帝國的子民，上帝清楚咱是軟弱格有限的生命，總是上帝歡喜接納咱做祂的手及腳，做伙參與上帝國的服事！
保羅感謝上帝歡喜互咱沒完全的人成做祂的同工，他亦時刻自我要求、自我檢討、自我反省，通互自己清楚、了解上帝的旨意，閣為著上帝旨意打拚、盡忠通得著上帝的獎賞─沒盡的應允及賜福！
二、向前清楚的目標
腓立比書3:13保羅繼續講：「兄弟姊妹，我無想講家己已經得著。我只有專心一項，就是