2018/04/01【生命的主】鄭英兒 牧師
- 詳細內容
- 上層分類：日期檢索
- 點擊數：665
《4/1主日講章》
生命的主
經文：約十四:1-14 講師︰鄭英兒 牧師
哈利路亞！主復活！台灣有盼望！哈利路亞！主復活！人類有盼望！哈利路亞！主復活！世界有盼望！
台灣有盼望呣是因為政府決志打拚互台灣成做「主權獨立的台灣國」，亦呣是因為美國政府通過39年來的國內法「台灣關係法」保護台灣，台灣有盼望是因為佇台灣的教會及基督徒願意盡忠跟隨基督，通過亻因的犧牲、受苦、關懷及疼痛，成做台灣盼望的記號，親像咱台灣基督長老教會信仰告白的教會觀仝款！這就是台灣教會及基督徒「復活的見證」，見證生命的主─復活的耶穌基督呣那是全世界人類的盼望，祂閣卡是咱台灣的盼望！
咱基督信仰比較其他宗教，有3個特質：1.有犧牲─才有真正的疼痛。2.有受苦─才可能帶來盼望。3.有死亡─才得到復活的榮光。
四福音書(馬太、馬可、路加、約翰)記載有關耶穌復活的情形，咱清楚看見因為耶穌的「外觀」及「形體」有明顯的改變，致到抹大拉的馬利亞將及他講話的耶穌當做是顧墓園的人(約翰20:15)，甚至後來耶穌要求馬利亞將耶穌復活的事實歡喜通報祂的門徒，結果門徒沒願意相信馬利亞的見證。直到耶穌本身出現佇亻因 中間，對恁講「願恁平安」，閣將手及協下互亻因看，亻因才確信耶穌真正贏過死亡成做「復活的主」！耶穌的外表及五官任何的改變，攏沒增加或是減少耶穌是「生命的主」的事實。咱基督徒亦著認真學習沒看重人的外表贏過內在的生命！
今早起咱對約翰14:1-14學習「生命的主」的信仰課題：
一、感謝生命的主─賞賜生命、關心生命、引導生命的學習：
耶穌閣講：「恁的心呣通著急不安。著信上帝，嘛著信我。佇我的父的厝有真多房間，我去是欲給恁準備所在。若呣是按呢，我