2017/8/06【痛疼台灣】鄭英兒 牧師
- 詳細內容
- 上層分類：日期檢索
- 點擊數：610
《主日講章》
痛疼台灣
經文：希五:7-9 講師︰鄭英兒 牧師
希伯來書5:7-9，雖然只有短短三節經文，卻互咱真清楚看到耶穌基督成做大祭司的款式，這是咱台灣的基督徒真重要的信仰課題。1517年馬丁路德發起第二次宗教改革，當時主要三大主張是因信稱義、聖經的絕對權威、萬民皆祭司。咱著學習「萬民皆祭司」三方面的課題：
1. 萬民皆祭司再次確定咱每一位基督徒攏是祭司，咱通直接及上帝建立親密閣真實的生命關係，這是通過耶穌基督救贖帶互咱的應允及祝福。
2. 萬民皆祭司提醒咱著彼此成做祭司，基督徒的彼此相疼，互相扶持是咱宣教真重要的見證。
3. 萬民皆祭司閣卡提醒咱著努力成做別人的祭司，耶穌基督道成肉身為著拯救全人類，包括基督徒及非基督徒，咱祭司職分的學習，呣那疼著基督徒，閣卡著盡心盡力疼所有人類，特別是身心靈軟弱，佇不義制度中受苦的人，咱攏有責任去疼痛及關懷。
今仔日咱大多數兄姊，生佇台灣，生活佇台灣，亦欲死佇台灣，咱著反省咱豈有疼台灣？願咱學習耶穌基督大祭司的款式，對三方面來疼痛台灣：
一、 咱著謙卑虔誠為台灣留目屎祈禱：(希伯來書5:7)耶穌基督大聲出力喉叫、流目屎、獻祈禱，關心人類生命及生活情境。耶穌時常提醒祈禱的重要，祂亦通過祈禱的操練得到真好的造就。咱基督徒通過祈禱的訓練學習三項課題：
1. 佇祈禱中學習交託及仰望。
2. 佇祈禱中閣卡清楚明白上帝的旨意，亦學習順服的功課。
3. 佇祈禱中咱通領受上帝閣卡多的祝福及力量。
咱對台灣的疼痛著對祈禱開始，咱若歡喜用祈禱來到上帝的面前，咱會閣卡經驗上帝的帶領及賜福。
二、 咱著歡喜順服為台灣受苦及犧牲：(希伯來書5:8) 耶穌基督雖然是上帝的子，猶久有對所受的苦難學習順服。咱基督徒是學習跟隨耶穌基督的人，既然耶穌基督有上帝的本質，但是為著疼痛人類，道成肉體，用各種方法，甚至最後獻出自己生命來表達上帝真實的疼痛。152年前宣教師來到台灣，就是學習耶穌呣驚犧牲、受苦，歡喜順服上帝呼召來台灣宣揚福音，甚至真多宣教師要求死後埋葬佇台灣，亻因 用生命告白亻因是真正的「台灣人」。咱著時常提醒自己，確實實踐「一體受苦，百體同受苦」的信仰精神，勇敢向前行！
三、 咱著盡忠打拚成做台灣人的拯救及盼望：(希伯來書5:9)
耶穌基督已經達到完全，伊就成做所有順服伊的人永遠得救的根源。面對台灣內部種種問題，尤其是「國家認同」的危機，台灣前途以及國家定位的困境，加上中國政府無所停止的打壓、威脅及統戰！咱亻店 啲台灣的教會豈有努力成做台灣人及台灣國的拯救、盼望？今仔日咱著常常反省教會為什麼要設立？咱為什麼必須要宣揚基督福音？咱辛苦著磨關心受苦的生命是為什麼？豈呣是盡心、盡意、盡性、盡力成做「盼望的記號」互台灣人民、社會、國家體驗「上帝國」的平安及恩典嗎？親像1985年台灣基督長老教會第32屆總會通常年會所通過的「台灣基督長老教會信仰告白」的教會觀告白講：「阮信，教會是上帝百姓的團契，受召來宣揚耶穌基督的拯救，做和解的使者，是普世的，復釘根佇本地，認同所有的住民，通過疼與受苦，來成做盼望的記號。」
耶穌基督用生命成做世界人類的大祭司，咱亦學習用生命疼痛台灣，成做盡職─「台灣人的祭司」！