2016/07/10【基督的門徒】鄭英兒牧師
- 詳細內容
- 上層分類：日期檢索
- 點擊數：1017
《主日講章》
基督的門徒
經文：詩篇十五:1-5、哥林多前書十一:1 講師︰鄭英兒 牧師
長老宗的開創者加爾文，他所寫的聖詩113首「我來朝見你，救贖我的主」互咱清楚體會他的信仰告白─佇第3節、第5節歌詞按呢告白：祢就是活命，我對祢生存。除去祢以外，別位無盼望；佇主的應允，所信無空空。求賜阮和平，安靜及確信；佇祢的氣力，互阮永堅心。」
今日咱讀詩篇第15篇是朝聖者來到聖殿的門口，提出一個問題：什麼人有資格來到上帝的聖殿？其實通過耶穌基督「道成肉體」的「普世救恩」，上帝對世界人類的疼痛並沒任何條件；顛倒是主動提供每一個生命「無盡的恩典及盼望」！詩篇15篇引導咱親近上帝，及上帝建立親密的生命關係，對3方面鼓勵咱成做「基督的門徒」：
一、謙卑順服上帝旨意的人：詩篇15:2
(現代台語譯本)「就是行為正直，作事公義，對心底講真實的人。」
(現代中文譯本)：「就是行為正直，凡事順從上帝的人。他說話真誠。」
咱行為正直及公義的前提是因為咱行出上帝的旨意。所以親近上帝的唯一條件就是願意聽趁上帝的命令、指示、提醒及要求；親近上帝的唯一目的就是歡喜實踐上帝的旨意。每一遍攏提醒自己用謙卑、順服的態度親近上帝，這是咱禮拜、靈修的基本態度及精神。
思念義光教會黃昭堂兄，雖然他是台獨聯盟永遠的主席，總是他來到教會，非常謙卑及上帝建立信仰生命親密結連的關係，常常吟聖詩流目屎，感謝上帝無盡的恩典及疼痛。昭堂兄每遍主日禮拜，認真領受上帝話語及教示，並通過每日生活及生命活出上帝的旨意。
二、真實用生命歸榮光上帝的人：詩篇15:3-4a
(現代台語譯本)：「伊無用嘴舌中傷人；伊無陷害朋友，無四界造謠毀謗厝邊。伊的目睭藐視作歹的人。」
(現代中文譯本)：「不毀謗人。他不做對不起朋友的事，不造謠中傷鄰居。他輕視犯罪作惡的人，尊重敬畏上主的人。」
上帝賞賜咱人類有身體各種器官，亻因所組成的生命是欲互人看見上帝的榮耀！所以咱的心思意念、生命展現、人際關係、社會生活、國家認同，一切人生的目標就是歡喜用生命歸榮光上帝。親像保羅勉勵講：「所以，恁無論是食是飲，抑是做甚麼，恁著為著榮耀上帝來做。」(林前10:31)
加爾文的一生用生命歸榮光上帝，甚至安息前特別交待千萬呣通為他立墓碑，以免造成別人誤會他一生有亻若 大成就。若呣是上帝的恩典及權能，他的一生無法度成就任何事，加爾文的人生對出生到死亡攏真實用生命歸榮光上帝，這也是咱每一位長老宗的信徒一生非常重要的信仰課題及使命。
三、甘願犧牲受苦祝福別人的人：詩篇15:4b-5
(現代台語譯本)：「伊咒誓，雖然家己剋虧嘛無改變。伊錢借人呣是為著利息；伊無收賄賂陷害無辜的人。做此款代誌的人會永遠徛在。」
(現代中文譯本)：「他不惜因履行諾言吃虧。他借錢給人不索取利息，也不受賄賂來陷害無辜。做這樣事的人永不失敗。」
基督徒的人生觀及價值觀及一般人最大的沒仝款，就是閣卡看重別人的欠缺及困難，佇真多受苦的生命看著咱關懷的責任及使命！所以甚至自己吃虧猶原甘願歡喜，因為咱啲同擔苦難的時，咱亦做伙享受榮光、平安及喜樂。基督徒上寶貴的信仰見證：愈親像耶穌基督為別人犧牲受苦，咱顛倒經驗—上帝恩典祝福愈加添！
1986年開始每年1月第3個禮拜一是美國的國定假日─路德馬丁金恩(Martin Luther King)牧師紀念日。感謝亦紀念他為著美國黑人民權運動的犧牲及貢獻！1963年8月28日他真出名的講道「我有一個夢」(I hava a dream)呼籲美國政府重視並落實維護人權，互黑人及白人真正手牽手，心連心成做一家人。1964年35歲的路德馬丁金恩牧師得到諾貝爾和平獎，1968年4月4日他為著黑人民權運動受槍殺安息主懷。他的打拚及犧牲促成後來美國「民權法案」的通過，亦帶來2008年美國230年歷史第一任的黑人總統─歐巴馬！雖然39歲受槍殺犧牲生命，總是路徳馬丁金恩牧師的一生見證他真正是「基督的門徒」！2011年8月底美國政府佇首都華盛頓D.C.設立路德馬丁金恩紀念公園，並通過他的雕像鼓勵人類勇敢為著公義及人權打拚！
馬偕牧師所寫的聖詩「最後的住家」，每一遍吟唱互我深深受感動及激勵！馬偕告白他一生的歡喜及快樂攏佇台灣，馬偕歡喜將他的青春及人生攏總奉獻互他全心疼惜的台灣，馬偕佇他生命勿會當割離的台灣找到他人生的續尾詩，台灣是馬偕一生疼惜最後的住家！馬偕佇台灣宣教的見證及腳跡，時刻邀請、鼓勵咱及他仝款成做盡忠的基督門徒！
今年台灣基督長老教會慶祝宣教150週年，咱呣那感謝上帝151年來的恩典及帶領，亦閣卡決志盡力成做上帝的奴僕及差用。總會制定2016-2017年主題：「同心合一學基督，謙卑服事做忠僕」，咱全體教會及信徒攏著努力打拚1985年第32屆總會年會通過的「台灣基督長老教會信仰告白」的教會觀：「釘根佇本地，認同所有的住民，通過疼及受苦，成做盼望的記號。」願通過咱一切信仰的見證及關懷，閣卡榮神益人，造福萬民！親像保羅信仰告白講：「恁著學我，親像我學基督。」