2009/11/29 【堅固我心，直到主來】 石雅芳傳道
- 詳細內容
- 上層分類：日期檢索
- 點擊數：1375
主日講堂：堅固我心，直到主來 石雅芳傳道 帖撒羅尼迦前書3:9-13
2009/11/29
今仔日是待降節的第一主日，所以咱點著第一支的蠟燭，代表期待與盼望。在基督教教會的節期中，聖誕節的前四個禮拜主日叫做「待降節期」，待降節是靈修、悔改、等候與準備的節期，教會藉著此個節期來思想，不只是主耶穌的誕生，相時也思考「主要閣再來」的意義。教會用三種方式來傳講待降節的信息:第一是兩千年前耶穌的降生、第二是基督今仔日臨在佇咱的內心、第三是、耶穌基督在未來擱要榮耀再臨。今仔日我愛用「堅固我心、直到主來」的主題來與大家分享，亦相與勉勵咱著用堅固的心等候與盼望，讓咱的心可以盡力成聖，無通嫌，直到佇咱的父上帝的面前，佇咱的主耶穌及伊攏總的聖徒閣來的時。
帖撒羅尼迦教會是保羅第二次旅行傳道中，在腓立比了後，在歐洲所建立的第二間教會。帖撒羅尼迦教會的信徒中有猶太人也有外邦人，其中也有不少當地有頭有面的人。因為保羅知樣帖撒羅尼迦教會的基督徒還閣無法度脫離不好道德的行為的引誘。相時，對於教義頂面的問題，也就是關係著基督要閣來的這件代誌有多多的問題。為著要處理這些的問題，所以他寫著這張帖撒羅尼迦前書來繼續勉勵信徒，要他閣繼續堅固落去。
佇保羅寫給信徒的批信中，保羅勉勵大家「也願主互恁相疼，續疼眾人益發充滿，親像阮的疼恁。」不止保羅常常教導信徒要彼此相疼，咱知主耶穌基督所賜給咱新的誡命，也是要咱著彼此相疼。咱若相疼，眾人欲對按呢知咱是耶穌基督的學生。感謝主!聖神的感動引導與帶領，今仔日咱有一名的會友，也是咱新的幹事，艷梅姐要洗禮。盼望在她洗禮了後咱攏可以歡喜來幫助他，與他分享，給他在洗禮了後的生命與生活，是可以連結佇耶穌基督，閣卡感受著教會兄弟姐妹的關心與疼。
然後保羅勉勵信徒的心志可以堅定，盼望在主耶穌與他的聖徒來的時，可以在父上帝的面前聖潔，無通嫌。聖潔基本上是對上帝來講，是一種分別做聖的特質，上帝的本質之一就是聖潔，雖然咱人無法度達到完全聖潔的地步，總是成做上帝的兒女，咱也應該努力追求聖潔的生活與活命。歌羅西書1:22新翻譯本這呢講：「現在，藉著他兒子肉體的死，上帝使恁與他和好，欲互恁諸個成聖，無瑕痴，無通嫌，琦佇祂的面前。」保羅勉勵當同時的信徒，也勉勵現今的咱，著堅固咱的心，讓咱可以聖潔，無通嫌來面見咱的父上帝，主耶穌以及眾聖徒。成聖，若是靠咱自己是無法度達到的，總是咱的成聖是倚靠咱的佇耶穌基督肉體的死才有法度，閣咱得就這個救贖了後，咱著堅固，保守咱的心，一直到佇主閣來的那日。
約翰•加爾文，有人講他是這個世代第一親像基督的人。長老教會的信仰傳統是抓加爾文神學做根基，也是加爾文的傳統。真少人可以親像約翰•加爾文這樣完全無有保留的倚靠上帝，他將他的思想、情感、意志和所有的想像攏放在上帝的身上，他所有的人際關係，無論是在道德，知識或者是屬靈的方面，嘛攏將上帝成做第一位。加爾文在世間的日子只有短短的54年時間，真正是親像馬偕牧師所講的「寧願燒盡，不願鏽壞」，他用54冬的時間為主燒完他的人生。過世了後的加爾文被埋葬在公墓，沒有墓牌，一直到在今仔日，無人知他埋葬在哆位，因為這是他的要求，他一生只願意榮耀主，讓人獨獨紀念主，不願讓人紀念他。後來的人感動這呢講：「一直到今仔日他躺在那在等候復活，這正正是他所教導咱的，閣是他所堅定盼望的。」
雖然咱每一天攏會面對新的困難與挑戰，在咱的人生當中亦會遇到多多挫折與問題使咱無法度堅固信，願憐憫人的主幫助咱，不是靠咱自己的氣力，乃是倚靠咱的耶穌基督肉體的死，使咱得到救贖，幫助咱堅固咱的心，一直到佇主閣來的那日。